Tribukahu

OY…OY…OY….isda nga aloy! Nag tipon tipon gali ang top brass sang TRIBU sang nag ligad kuno nga semana sa isa ka big haws diri sa Negros. Kadamo kuno sang mga tahum nga mga salakyan nga nag abot kag sang naga panaug sa salakyan ang mga big boss sang TRIBU, nagakinadlaw sila. Very festive guid kuno ang ila nga pag-abot. Ang pinaka manami kay sang nag pala-uli na sila, asus, may gna kaptan na sila nga mga madamol nga mga sobre…daw brown envelope kag naga bukol. Kag siling sang akon nga spy, nag panagtag gali kuno sang grasya sa balay ni Badlak Ulo…familiar ay? Aton aton lang ini, ang hambal sang spy ko nga guin panagtag na gali ang tag 3M kuno sa kada isa sang mga top brass sang TRIBU. Baw grabidad bah. Ma hambal ka lang nga Yes I Vote in favor 3M guid? Daw maayo no? Pag hambal mo YES I VOTE matik gali ang grasya. Daku daku man bah. Mga pipol, panilagi nyo bala kon sin-o ang masunod nga maga bakasyon grande or mabakal new car. Tsssskkkk…believe ah. Asik lang ang sa kay City…..ang sa ila ya matik guid! Kon sa bagay, ang bread ko bread mo man na eh…gets mo?

* * *

Sir, boss, noy, to, torney…..gakinang-kinang new pick up ta bah. Believe ah. Daw sa wala lang pero naga pa gwa man new pick up ah. Nami tani sina e set-up mo nga daw ma off-road ka guid bala. Saludo gid ko sir ah. Kabalo gid ah. Iba talaga ang sip-sip…este iba talaga ang mapisan….kadasig sang progreso basta ara ka sa TRIBU.

* * *

Ay..ya..yay…kahapon sang naga lagaw-lagaw ako sa Brgy. Banago diri sa Bacolod, grabe gali ang naga katabu dira. Ang isa kuno ka manugdalagan dira kapitan nga naga negosyo balas bato daw guinapatiyog lang gali sang iya mga backers. Pasalig lang nga pasalig sa iya nga sya ang suportahon pero ang matuod gali nga ang mga barangay leaders dira sang ila nga grupo daw lain man ang mandar. Hala, mag amo sini, daw madaug lang sa pasalig si toto R….lain ang mandar, lain man ang kumpas sang ila nga grupo. Toto R, bulobalikid. Sus kalolooy ka man!

* * *

Ang hilanat sang barangay eleksyon daw kataas na guid diri sa isa ka syudad. Dira sa isa ka barangay, grabe naman subong ang kaskasanay sang duha ka mga contenders dira. Si kapitan left and right man ang iya nga tiyog kag projects….pero si challenger Kanding, abaw, daw adlaw adlaw man ang patawag sang iya mga tawo sa iya nga balay. Ang maka lilibug lang diri, diin naga kuha sang panding si Kanding? Ang balita ko nga ang gripo kuno subong sang TRIBU daw naga tubod na sa kay Kanding. Daw indi balansi haw? Nga-a nga sa iban nga mga barangays ang panding daw wala pa naga tubod pero sa kay Kanding daw naga anaw na. Ano man pinili-an ang TRIBU?

* * *

Subong bala, kon mamati ka lang sa radio, kada segment sang ila nga pasayod, indi guid madula ang pasayud sang mga herbal nga bulong. Halin sa balungay pakadto sa manunggal, halin sa mangosten pakadto sa kon ano na lang. Pero abi ninyo, halos tanan nga mga pasayud sang herbal, ang pag bulong sang masakit medyo paaman lang. Ang pinaka sentro sang mga pasayud ang para guid sa pag patindug ni manoy. Ay nano! Ano damo na guid naga tungli nga-a puro na lang ini patindug. Abi ko ang bulong para sa naga masakit. Ang gwa ya subong ang mga herbal nga bulong daw para sa manug pasakit.

* * *

Talking about herbal, ano ang nagabu sa isa ka manug herbal sang una nga nag super bigtime. Ngaa nga daw gulpe lang na alimunaw ang ila nga herbal haw? Nadula na bala atong anay K nga herbal. Wala na bati-a. Kag ato nga herbal sang una ang ila nga marketing strategy para man to kuno sa pang patindug. Ang masadya kay sa sobra seguro ka epektibo, ang epekto sa kay misis owner daw sobra guid ka baskug nga daw sa mga hubenes na sya naga tabid-tabid. Pati sa babayi may epek ang patindug? Ay ano ni man? Ano ang matindug sa ila? Buhok?

Leave a Reply

*