ILONGGO ‘GIFTED GO-GETTER’ NAKASULOD SA PBB OTSO

NAKASULOD na sa PBB House sang Martes, Enero 8, ang Ilonggo achiever nga si Wakim Regalado.

Nakatapos si Wakim sang iya elementary sa PAREF-Westbridge School kag high school sa Philippine Science High School Western Visayas Campus. Sa subong, isa  sya  ka freshman student sang Ateneo de Manila University.

Tungod naghalin sa pamilya sang mga abogado, si Wakim palaban sa tanan nga mga butang. Sa tunga sang iya kasakuon sa pag-eskwela, nagahatag man  sya  sang iya oras sa pagbulig kag pag-ulikid sa iban nga mga tawo nga napamatud-an sang iya pagiging aktibo sa mga youth organizations kon sa diin  sya  katapo.

 

 

‘BRAINY, JAW-DROPPING’ ANSWER

Nag-viral man sa social media ang iya “brainy” nga sabat sa pamangkot ni Toni Gonzaga bag-o siya nagsulod sa PBB House.

As of this posting, ang nasambit nga video may ara na sang malapit 3.5 million views. (LINK: https://www.facebook.com/valmabayo/videos/2444139142280643/)

Sa video clip, ginpamangkot ni Toni si Wakim kon ano ka dako ang kahigayunan nga magdaog  sya  sa PBB.

Suno sa kay Wakim, dapat intindihon ang kinalain sang probabilidad kag posibilidad. Iya gid ginsuma “on the spot” nga kon may ara 64 katawo nga magapaindis-indis sa isa ka premyo, ang kahigayunan agud sya ang magdaog yara lamang sa 1.5625 ka porsiyento.

Dugang pa niya, indi palareho ang kabug-aton sang tanan nga mga posibilidad kag mahimo pa ini magbag-o depende sa nagakalain-lain nga mga hitabo.

Sa sini nga higayon, ginsiling man ni Wakim nga ang kadalag-an para sa iya subong amo nga nahatagan sya sang kahigayunan nga mangin kabahin sang PBB kag sang oportunidad nga mapabutyag niya ang iya mga adbokasiya.

Suportahan naton si Wakim sa iya PBB journey paagi sa paglantaw sang PBB Otso kag pag-like sang iya Facebook Page: https://www.facebook.com/WakimRegaladoOfficial

Leave a Reply

*